7 orë më parëOAK kërkon kohëzgjatjen e qirasë së objekteve
Periskopi(7 vite më parë)
(7 vite më parë)Përfaqësues nga Oda e Afarizmit të Kosovës janë pritur në takim nga drejtori i Agjencisë Kosovare të Privatizimit, Valon Tolaj. Kryetari i Bordit të OAK-së, Skënder Krasniqi përgëzoi Tolajn për pozitën e tij të re, dhe njoftoi atë për problemet që po preokupojnë aktualisht bizenset në raport me objektet dhe pronat, si dhe diskutuan për […]
Kryetari i Bordit të OAK-së, Skënder Krasniqi përgëzoi Tolajn për pozitën e tij të re, dhe njoftoi atë për problemet që po preokupojnë aktualisht bizenset në raport me objektet dhe pronat, si dhe diskutuan për mundësitë e bashkëpunimit.
Sipas një komunikate të OAK, Krasniqi kërkoi nga drejtori i AKP-së të shikoj mundësitë për kohëzgjatjen e qirasë së objekteve ngase me rregullore të AKP-së, biznesi ka të drejtë të huazojë objektin me qira vetëm për periudhën një vjeçare.
Ai ka theksuar se kjo gjë po paraqet pengesë të madhe dhe pasiguri tek bizneset, duke ditur që bizneset janë faktor i rëndësishëm për zhvillimin ekonomik në vend, duhet larguar barrierat dhe jo të rëndohen më tepër.
Ndërsa, drejtori i Agjencisë Kosovare të Privatizimit, Valon Tolaj falënderoi përfaqësuesit e OAK-së për viziten dhe u shpreh i gatshëm për bashkëpunim me Odën e Afarizmit të Kosovës dhe bizneset.
Tolaj deklaroi se po bënë përpjekje për shtimin e afateve sa i përket kohëzgjatjes së kontratës të objekteve me qira, duke u krijuar lehtësira dhe siguri më të madhe bizneseve gjatë operimit të tyre.
