Ngrohja globale: Islanda bën memorial ku i shkruan të ardhmes “Ne e dinim se çka po ndodhte”

I pari nga 400 akullnajat e Islandës që u zhduk shkaku i krizës klimatike do të përkujtohet përmes një pllake – dhe nën një paralajmërim të zymtë për të ardhmen – nga shkencëtarët dhe banorët lokalë gjatë këtij muaji.

Ish akullnaja Okjokull, që para një shekulli mbulonte 5.8 hektarë] të sipërfaqes malore në perëndim të Islandës perëndimore dhe që kishte trashësi prej 50 metrash, është shkrirë me gati 1 hektar dhe ka humbur 15 metra trashësi dhe e humbi kësisoj statusin si akullnajë, transmeton Periskopi nga The Guardian.

“Në 200 vitet e ardhshme, të gjitha akullnajat tona pritet të ndjekin të njëjtën rrugë,” thotë pllakati, në islandishte dhe anglisht. “Ky monument është për të treguar se e dinim se çka po ndodhte dhe se çka duhej të bënim. Veç që ta dini edhe ju se ne e dinim.”

Memoriali mban datën e gushtit të 2019-s dhe po ashtu mban fjalët “415 ppm CO2”, që i referohet niveleve rekordthyese të 415 pjesëve për milion të dyoksidit të karbonit të matura në atmosferë majin e këtij viti.

Akullnaja definohet si një masë persistente e akullit kompakt që akumulon më shumë masë akulli gjatë dimrit se sa që humbet gjatë verës dhe që lëviz vazhdimisht nën peshën e saj. Kur një gjë e tillë nuk ndodh, mbetjet njihen si “akull i vdekur”.

Në tërësi, pllakati thotë kështu:

“Ok [shkurtorja e Okjokull] është akullnaja e parë e Islandës që e humbi statusin si akullnajë. Në 200 vitet e ardhshme e njëjta gjë i pret edhe akullnajat e tjera. Ky monument është për të pranuar se ne e dinim që kjo po ndodh dhe e dinim se çka duhet të bëjmë. Veç ju e dini nëse ia dolëm mbanë.” /Periskopi