Mustafa: Haradinaj është dashur moti të japë dorëheqje por ndjej keqardhje që kjo ndodhi për shkak të Speciales

Kreu i LDK’së Isa Mustafa ka reaguar pas dorëheqjes se Ramush Haradinajt nga posti i kryeministrit.

Ai shkruan në FB:

Qytetarë të nderuar,

LDK në vazhdimësi ka kërkuar që kjo qeveri të japë dorëheqje, por ndjejmë keqardhje që kjo ndodhë për shkak të ftesës nga Dhomat e Specializuara, të Kryeministrit të Kosovës.

Besoj fuqishëm se lufta e Ushtrisë Çlirimtare të Kosovës ka qenë e drejtë dhe e pastër dhe poashtu besoj se pafajësia e z. Haradinaj do të provohet edhe kësaj radhe.