Muelleri dëshmon para Kongresit: Provuam për një vit që ta intervistonim Trumpin, nuk pranoi

Komiteti Juridik i Kongresit po merr në pyetje ish Prokurorin Special Robert Mueller lidhur me përmbajtjen e raportit të tij, që në një mënyrë implikon se presidenti Trump ka penguar drejtësinë.

Kryetari i këtij komiteti, Jerry Nadler, i bëri disa pyetje mjaft domethënëse z.Mueller lidhur me presidentin Trump.

Muelleri tha që ishte e vërtetë që Trumpi kishte refuzuar kërkesën për intervistë, pavarësisht se ekipi i tij kishte provuar disa herë me radhë që ta bënte një gjë të tillë, shkruan CNN, përkthen Periskopi.

Këtu është biseda e plotë:

Nadler: A e refuzoi Presidenti kërkesën tuaj dhe të ekipit tuaj për intervistim?

Mueller: Po.

Nadler: Dhe a është e vërtetë se për më shumë se një vit ju keni provuar të siguronit një intervistë me Presidentin?

Mueller: Po.

Nadler: Dhe a është e vërtetë se ju dhe ekipi juaj e këshilluar avokatin e Presidentit që, citim, “një intervistë me Presidentin është jetike për investigimin tonë?”.

Mueller: Po.

Nadler: Por presidenti prapë se prapë refuzoi të ulej për një intervistë me juve?

Mueller: Po.

Më tej, z.Mueller e ka konfirmuar se raporti i tij nuk e ka shfajësuar Trumpin nga bashkëpunimi me Rusinë për zgjedhjet e vitit 2016. /Periskopi