Mirena: Pse Haradinaj dha dorëheqje kur sërish synon postin e Kryeministrit

Analisti dhe gazetari Ilir Mirena, thotë se kryeministri Haradinaj dha dorëheqje duke u thënë qytetarëve se ‘ai sërish do t’u ofrohet me një ofertë nëse shkohet në zgjedhje’.

“Ajo që më ra në sy në deklaratën e zotit Haradinaj është se ai nuk e përjashtoi mundësinë që t’i ofrohet qytetarëve me ofertë politike. Nëse ai po thotë që edhe nëse ka zgjedhje shpejt, atëherë nëse ke ftesë pse pate me dhanë dorëheqje. Nuk pate nevojë me dhanë dorëheqje nëse prapë synon postin e kryeministrit.  Zoti Haradinaj është i vetëdijshëm për këtë situatë paralizë që kemi në vend dhe ai nuk ka dashur ta lëshojë nga dora. Theksi i tij tek zgjedhjet, mua më bën të dyshoj se kjo është shfrytëzuar për marketing politik dhe për të shfrytëzuar një momentum që mund të duket i favorshëm për zotin Haradinaj që vendi të shkojë në zgjedhje sa më shpejt. Me këtë konstalacion politik, ku e kemi një LDK me zgjedhje të brendshme, me një VV që është ende në vorbullin e asaj ndarjes, PSD’në e pakonsoliduar unë mendoj se Haradinaj e ka shfrytëzuar këtë mirë edhe në aspektin ndërkombëtar”, tha Mirena./Periskopi/