Kryeministri Boris Johnson: Nga gazetari ‘fake news’, te armiku i myslimanëve e politikani më kontravers britanik

I njohur shkurtimisht si Boris Johnson, ai ka qenë politikani më i përfolur i mediave në dekadën e fundit në vendin e tij. Kjo më së shumti për shkak të skandaleve e gafeve që bënte vazhdimisht.

Ai ka qenë anëtar i Parlamentit [MP] që nga viti 2015. Po ashtu, Johnson shërbeu si kryetar i Londrës nga viti 2008 e deri në vitin 2016.

Borisi që dikur quhej Al [shkurtore e emrit Alexander] nga njerëzit e afërm, kishte shërbyer edhe në kabinetin e Theresa May si sekretar i Punëve të Jashtëm.

Z.Johnson ka lindur në Nju Jork Siti në një familje të pasur britanike. Karrierën e tij publike e kishte nisur si gazetar i prestigjiozes The Times, por ishte shkarkuar nga detyra pasi kishte falsifikuar një citim. Më pas, ai kishte vazhduar karrierën në gazetari duke punuar si korrespodent nga Brukseli për The Daily Telegraph.

Ai është figura më kontraverse në politikën dhe gazetarinë britanike. Mbështetësit e tij e pëlqejnë për figurën popullore, argëtuese dhe humoristike. Por, është kritikuar e akuzar shumë herë për pandershmëri, elitizëm, llaszim, dhe për përdorimin e gjuhës raciste e homofobike.

Johnsoni ka nënshtetësi të dyfishtë, të Mbretërisë së Bashkuar dhe të Shteteve të Bashkuara të Amerikës respektivisht. Ai ka deklaruar se ka prejardhje turke, pasi që stërgjyshi i tij nga ana e babait kishte qenë turk.

Një ndër skandalet më të mëdha të tij, ndodhi në vitin 2016, kur e fitoi garën për “poemën më ofenduese ndaj Erdoganit”, dy muaj pasi ishte zgjedhur sekretar i Punëve të Jashtme. Ai në poemën e tij e përshkruante presidentin turk duke bërë seks me një dhi.

“Na ishte një djalë i ri nga Ankaraja,

Që ishte masturbues brilant.

Derisa e mbolli të egrën tërshërë,

Me ndihmën e një dhie,

Të cilën s’u ndal bile as që ta falenderë.”

Johnson njihet për armiqësinë e madhe ndaj komunitetit mysliman dhe ndaj emigrantëve në përgjithësi. Periskopi kishte përkthyer KËTË artikull para disa javësh./Periskopi