2 orë më parëKrasniqi thotë se PDK është e gatshme për zgjedhje, flet edhe për koalicionet e mundshme
Periskopi(7 vite më parë)
(7 vite më parë)Nënkryetari i Partisë Demokratike të Kosovës, Memli Krasniqi, njëherit edhe shef i Grupit Parlamentar të PDK-së në një bisedë me Gazetën Blic ka treguar qëndrimin e PDK-së për zgjedhjet. Ai ka thënë se qëndrimi i Partisë Demokratike të Kosovës tashmë është shprehur shumë qartë nga kryetari Veseli dhe se Partia Demokratike e Kosovës, jo vetëm […]
Nënkryetari i Partisë Demokratike të Kosovës, Memli Krasniqi, njëherit edhe shef i Grupit Parlamentar të PDK-së në një bisedë me Gazetën Blic ka treguar qëndrimin e PDK-së për zgjedhjet.
Ai ka thënë se qëndrimi i Partisë Demokratike të Kosovës tashmë është shprehur shumë qartë nga kryetari Veseli dhe se Partia Demokratike e Kosovës, jo vetëm që është e gatshme, por edhe shumë e interesuar që zgjedhjet të mbahen sa më shpejt.
“Besojmë që edhe Presidenti do të fillojë konsultimet menjëherë, ashtu që të mos humbet kohë dhe data e zgjedhjeve të cakohet sa më parë që të jetë e mundur”, është shprehur Krasniqi.
Ndërsa, sa i përket ndonjë koalicioni të mundshëm me partitë tjera, Krasniqi ka thënë se kjo është një çështje për të cilën ne do të diskutojmë gjatë ditëve në vijim.
“Në traditën e PDK-së ne gjithmonë kemi pasur edhe partnerë më të vegjël në koalicion, por nuk është e domosdoshme, megjithatë si mundësi do ta shqyrtojmë gjatë ditëve në vijim”, ka thënë Krasniqi.
