Krasniqi largohet nga gazetarët në mënyrë të çuditshme: Nuk tregon a është i dyshuar apo dëshmitar

Edhe ish kryetari i Kuvendit të Kosovës, Jakup Krasniqi, e ka përfunduar intervistimin e tij me prokurorët e Dhomave të Specializuara të Kosovës në Hagë.

Z.Krasniqi megjithëse hyri para kryeministrit Haradinaj në intervistim, doli goxha më vonë, dhe ishte më i ngrysur në fytyrë, në fillim duke u drejtuar kah gazetarët por më pas duke iu kthyer shpinën pa dhënë asnjë përgjigjje, shkruan Periskopi.

Derisa po largohej, ai i rrudhi supet dhe tha “Nuk kam se çka të them”.

Për Krasniqin ende nuk dihet se në çfarë cilësie është ftuar nga prokurorët e Speciales.

Ai aktualisht shërben si kryetar i Këshillit Kombëtar të Nismës Socialdemokrate dhe është mjaft aktiv në rrjetet sociale megjithëse gati plotësisht i margjinalizuar nga skena politike./Periskopi