3 orë më parëJa çka kishte thënë kryeministri i ri Johnson në Kuvendin e Kosovës: Kemi problem me bandat shqiptare të krimit
Periskopi(7 vite më parë)
(7 vite më parë)Në nëntorin e vitit 2016, në cilësinë e Sekretarit të Punëve të Jashtme të Mbretërisë së Bashkuar [MB] kryeministri i ardhshëm britanik Boris Johnson, kishte vizituar Kosovën dhe kishte mbajtur fjalim para deputetëve. Me të hyrë, ai përshëndetet për dore me disa nga deputetët në radhët e para të ulëseve të Kuvendit, dhe ajo që […]
Me të hyrë, ai përshëndetet për dore me disa nga deputetët në radhët e para të ulëseve të Kuvendit, dhe ajo që bie në sy është ngritja në këmbë dhe përshëndetja e shefit të diplomacisë britanike nga ana e Vetëvendosjes, parti kjo që qëndron në kundërvënie me ideologjinë dhe politikat që promovon Johnson.
Sidoqoftë, fjalimi i tij në Kosovë kishte qenë i përmbajtur dhe domethënës, duke përsëritur mesazhet diplomatike të administratave të kaluara.
“E kemi një luftë të përbashkët kundër terrorizmit, kundër ekstremizmit të dhunshëm, kundër korrupsionit dhe kundër krimit të organizuar,” kishte nisur fjalën e tij në foltore, kontraversi Johnson.
“Dhe na duhet t’i luftojmë këto kërcënime së bashku. Në MB për shembull, ne e kemi një problem të veçantë me bandat shqiptare të krimit dhe duam të punojmë fort bashkë me ju [kundër tyre]. Kur flasim për rajonin, Britania don që Kosova të jetë një forcë e paqes dhe stabilitetit, dhe kjo duhet të përfshijë arritjen e një raporti normal fqinjësor me Serbinë.” – mbaron ai një pjesë të fjalimit të tij.
Pas kësaj vizite, z.Johnson kishte vizituar edhe Beogradin.
