7 orë më parëIsufi: Haradinaj gjithmonë është mbrojtur në heshtje, ai do të kthehet nga Haga për të vazhduar jetën politike
Periskopi(7 vite më parë)
(7 vite më parë)Shefi i deputetëve të AAK’së, Ahmet Isufi, ka komentuar paraqitjen e sotme të ish-kryeministrit të Kosovës, Ramush Haradinajt para prokurorëve të Speciales në Hagë – raporton Periskopi. Isufi ka thënë se edhe herëve të tjera Haradinaj është mbrojtur në heshtje. “Edhe në Gjykata Ndërkombëtare në Hagë, Haradinaj mbrohet në heshtje. Avokatët kanë kryer punën e […]
Isufi ka thënë se edhe herëve të tjera Haradinaj është mbrojtur në heshtje.
“Edhe në Gjykata Ndërkombëtare në Hagë, Haradinaj mbrohet në heshtje. Avokatët kanë kryer punën e tyre. Ftesa është për të dyshuar, por s’është ofruar asnjë material. Ai do të kthehet në Kosovë dhe do ta vazhdojë jetën politike. Do të tentohet të fabrikohet diçka kundër tij…po të shikohet nga ana ligjore, çdo i intervistuar apo i akuzuar deri në shpallje të gjykimit të prerë të shkallës përfundimtare nuk konsiderohet i fajshëm. Por, ai është përgjigjur si qytetar për hatër të vendit, e jo të mbrohet në petkun e kryeministrit. Sot në Hagë u paraqit si Ramush Haradinaj”, ka thënë Isufi në Interaktiv të KTV’së.
Tutje, ai ka folur edhe për mbledhjen e Qeverisë, të paralajmëruar për të premten.
“Edhe në të kaluarën është mbajtur. Derisa të vijë koha e shpalljes së zgjedhjeve, qeveria duhet të punojë e jo të krijohet vakuum”, ka thënë tutje Isufi.
Ai ka thënë se të gjitha partitë politike po duan zgjedhje./PERISKOPI
