Ismaili: PDK e gatshme për zgjedhje, vijat e kuqe i përmendin të gjithë në fushatë por më pas i harrojnë

Nënkryetari i PDK’së, Uran Ismaili ka thënë se kjo parti është e gatshme për zgjedhje.

“PDK ka pasur dhe ka disponim të shkohet në zgjedhje të parakoshme në mënyrë që sërish ta konfirmojmë që kemi besimin e madh tek qytetarët. Ministrat e PDK’së, kanë arritur të bëjnë ndryshime në sektorët kanë qeverisur. Jemi në situatë kur sa ma herët të caktohet data e zgjedhjeve, aq më mirë”, ka thënë Ismaili për Info Magazine, shkruan Periskopi.

“Si parti politike, kemi strukturat tona, jemi të ndarë, na vie keq që jo vetëm zoti Haradinaj, kanë pasë thirrje nga Gjykata Speciale dhe si e tillë, nuk ndihemi mirë për askënd. Por ka qenë vendim personal i zotit Haradinaj që të kërkojë dorëheqje dhe të vazhdojë punët si kryeministër në dorëheqje. Për ne ka qenë që PDK konsideron që zgjedhjet janë të paevitueshme dhe duhet të mbahen sa ma shpejt që është e mundur. Ne kemi inicuar fillimet e shtabeve zgjedhore, kemi një kërkesë kemi pasë një kërkesë tani nga të gjitha anët që të shkohet në zgjedhje dhe struktura jonë ta tregojë veten dhe të akumulojë votë për vizionin e PDK’së. Vijat e kuqe janë zbehur posa kanë përfunduar zgjedhjet. Kemi pa edhe më herët, që njerëzit për pak vota më shumë do të fillojnë të bëhen armiq virtual ose të krijojnë miq nga ata që i kanë fyer. Kjo politikë e atyre që mendojnë që do të bëjnë cmos në kundërshtim të njëri tjetrit e më pas të bien në gjunjë, nuk është mirë të polarizojnë qytetarin. Vijat e kuqe i kemi për ata që janë jashtë kufirit”, ka thënë Ismaili./Periskopi/