Ismaili dhe Kosnett përurojnë investimet në Klinikën e Pediatrisë: Bashkë me ShBA’të nuk do t’i ndalim punët e mira

Ministri në detyrë i Shëndetësisë, Uran Ismaili ka përuruar investimet e reja në Klinikën e Pediatrisë. Në këtë përurim ishte edhe ambasadori amerikan Philip Kosnett, pasiqë sic njofton Ismaili, investimet e reja në këtë Klinikë janë bërë nga Qeveria amerikane.

Ismaili njofton:

Bashkë me Ambasadorin amerikan në Kosovë Philip Kosnett përuruam investimet e reja në Klinikën e Pediatrisë nga Qeveria Amerikane. Ky është lajm i mirëseardhur për Repartin e Hemato-Onkologjisë dhe Klinikën e Pediatrisë. Me mbështetjen e drejtpërdrejtë të SHBA-ve ne kemi transformuar repartin e Hemato-Onkologjisë për të ofruar kushte shumë më të mira për trajtimin dhe rehabilitimin e fëmijëve tanë. Me një përkushtim të madh dhe me përkrahjen e fuqishme të SHBA-ve ne nuk do t’i ndalim punët e mira deri në ndërtimin e një shëndetësie të qëndrueshme që ofron shërbime më të mira për të gjithë. Urime!