Hysen Durmishi: Gjykatat janë për akuza. – Albin Kurti për kryeministër

Anëtari i Lëvizjes Vetëvendosje, Hysen Durmishi, ka bërë një status pas zhvillimit të fundit politik që solli ftesën e Gjykatës speciale dhe dorëheqjen e kryeministrit Haradinaj.

Ai mbron qëndrimin e Lëvizjes Vetëvendosje kundër votimit të Speciales, duke thënë se një gjë të tillë e kanë bërë vetë. Në fakt, deputetët e Aleancës për Ardhmërinë e Kosovës [AAK] kishin votuar kundër një projektligji të tillë në vitin 2014, shkruan Periskopi.

Sidoqoftë, Durmishi thotë se “gjykatat nuk janë për tjetërçka pos për akuza” Dhe paraprakisht “kur e bënë një gjykatë të tillë çka mund të presësh tjetër pos akuzave”.

Anëtari i VV-së thotë se shpresa e këtij vendi është me kryeministër Albin Kurtin.

Ky është postimi i plotë i tij:

Gjykatën speciale e kundërshtuam vetëm ne. Ju të tjerët e votuat dhe thatë se është e Kosovës. E dëmtuat Kosovën e UÇK-në atëherë kur e votuat. Ne nuk gëzohemi kur dikush akuzohet nga gjykata speciale por pranojeni se e keni bërë vet dhe kur e bënë një gjykatë të tillë çka mund të presës tjetër pos akuzave. Për tjetër gjë nuk janë gjykatat pos për akuza. Lufta jonë ka qenë çlirimtare dhe nuk do duhej të kishte gjykata të tilla.

Tash vendi ynë e ka vetëm një shpresë e ajo shpresë është Lëvizja VETËVENDOSJE!.

Shpresa e këtij vendi është me Kryeministër Albin Kurtin