4 orë më parëHoxhaj për Haradinajn: Kriza tani ka një adresë dhe një emër
Periskopi(7 vite më parë)
(7 vite më parë)Nënkryetari i Partisë Demokratike të Kosovës, njëherësh zëvendëskryeministri Enver Hoxhaj ka thënë se ministrat e partisë së tyre kanë marrë pjesë në mbledhjen e sotme të Qeverisë për hir të interesave të qytetarëve – raporton Periskopi. Hoxhaj ka thënë se nuk do të lejojnë që të krijohet vakum e krizë qeverisëse në vend. Sipas tij, […]
Hoxhaj ka thënë se nuk do të lejojnë që të krijohet vakum e krizë qeverisëse në vend.
Sipas tij, kriza tani ka një adresë dhe një emër.
Reagimi i plotë i Hoxhajt:
Të dashur qytetarë,
PDK-ja ka vendosur sot të marrë pjesë në mbledhjen e qeverisë për hir të interesave të qytetearëve, që nuk i ikë përgjegjësisë por edhe për ta bërë të qartë se pas dorëheqjes së Kryeministrit të premten e shkuar, është krijuar një situatë e re politike dhe juridike. Kryeministri dhe qeveria e dorëhequr mund të kenë një rol kujdestarie por nuk mund të sjellë e merr vendime për emërime të anëtarëve të bordit, të shpronësojë prona apo të sillet njëjtë sikur para të premtes.
PDK siguron të gjithë se paqartësia e krijuar nuk do të shkojë në dëm të interesave të qytetarëve dhe nuk do të jelojë të ketë vakuum e krizë qeverisëse. Kriza tani ka një adresë dhe një emër. Kosova ka institucionet dhe përvojën e duhur për të gjetur zgjidhje, ashtu sikurse edhe PDK-ja ka dëshmur pjekuri, përgjegjësi dhe zotësi për ti shërbyer vendit.
