2 orë më parëHaziri: Njerëzit që nuk fituan asnjë garë, s’kanë çka i japin partisë
Periskopi(7 vite më parë)
(7 vite më parë)Nënkryetari i Lidhjes Demokratike të Kosovës, Lutfi Haziri ka thënë se zgjedhjet e brendshme nuk bën që të jenë shkak për të larguar njerëzit e suksesshëm nga partia. Haziri, në “Debat Plus” me Ermal Pandurin në RTV Dukagjini, ka thënë se gara zgjedhore në LDK nuk duhet të jetë shkas për largimin e njerëzve të […]
Haziri, në “Debat Plus” me Ermal Pandurin në RTV Dukagjini, ka thënë se gara zgjedhore në LDK nuk duhet të jetë shkas për largimin e njerëzve të suksesshëm nga partia.
Ai ka thënë se askush nuk duhet të ketë frikë se pas zgjedhjeve në LDK do të bëhen seleksionime për shkak të ndonjë mënyre të votimit në Kuvendin e LDK-së.
“Zgjedhjet prodhojnë emra të rinj dhe emra që largohen. Çdo palë zgjedhje këso rezultatesh nxjerrin. As LDK nuk mund të jetë imune në këtë drejtim, por nuk guxojnë të largohen njerëzit që kanë sjellë sukses për LDK-në”, tha ai.
Haziri ka thënë se gjithmonë në inatet politike e pësojnë të suksesshmit. Ai ka thënë se servilat gjithmonë kanë depërtuar më mirë se njerëzit e suksesshëm.
“Njerëzit që nuk kanë rezultate, që nuk kanë fituar në listat për deputetë, në listat për këshilltarë komunalë, në garat për kryetarë të komunave, njerëzit që s’kanë fituar asnjë garë… e vazhdojnë të thonë se unë jam militant i LDK-së dhe e ruaj partinë. Me çfarë e zhvillon ky partinë e me çka e ruan?! Me fjalë? Askush nuk i duron fjalët”.
I pyetur nga panelistët nëse ky parim vlen edhe për Isa Mustafën, Haziri ka bërë disa vlerësime për figurën e Mustafës.
“Mustafa e ka marrë LDK-në në kohën më të keqe të saj. Është ndalur trendi i rënies dhe është bërë rikthimi i madh… Ka sjellë LDK-në në një pozitë ku perceptimi publikë për të është pozitiv”, tha Haziri.
