2 orë më parëHaradinaj vazhdon vajtimin: Në ftesën e dytë nga Haga, po e lë Kosovën më të fortë se kurrë
Periskopi(7 vite më parë)
(7 vite më parë)Kryeministri në dorëheqje, Ramush Haradinaj, përmes një shkrimi të postuar në faqen e tij zyrtare Facebook ka folur sërish për ftesën që iu bë nga Gjykata Speciale, për intervistim si i dyshuar, transmeton Periskopi. Ai kujton se si një ditë më parë më 21 korrik 2005, ai u thirr në Hagë në procesin gjyqësor, ndërsa […]
Ai kujton se si një ditë më parë më 21 korrik 2005, ai u thirr në Hagë në procesin gjyqësor, ndërsa thotë se edhe sot kur ai u ftua sërish, Kosova është më e fortë se kurrë.
Ky është postimi i tij i plotë:
Një nga datat më të rëndësishme të shtetësisë së Kosovës është edhe 22 korriku i vitit 2010, kur Gjykata Ndërkombëtare e Drejtësisë shpalli verdiktin se, Pavarësia e Kosovës është legjitime dhe e drejtë dhe nuk bie ndesh me të Drejtën Ndërkombëtare.
Ky vendim historik për vendin, konfirmoi themelet e pavarësisë tonë, të sovranitetit të shtetit dhe integritetit territorial.
Për koicidencë, një ditë para vendimit të GjND-së, më 21 korrik, unë u thirra në Hagë, në procesin e dytë gjyqësor. Sot, kur sërish thirrem në Hagë, në këtë përvjetor të nëntë, Kosova është më e fortë se kurrë, si shtet i pavarur, sovran, demokratik, unik, dhe i pandashëm dhe i përkushtuar në rrugën euro-atlantike.
