4 orë më parëHahn sot në Beograd, flet me zyrtarët serbë për dialogun me Kosovën
Periskopi(7 vite më parë)
(7 vite më parë)Komisioneri i BE-së për Politikat Evropiane të Fqinjësisë dhe Negociatat e Zgjerimit, Johannes Hahn, do të qëndrojë sot dhe nesër në Beograd ku me presidentin serb, Aleksandar Vuçiq, dhe kryeministren Ana Bërnabiq do të diskutojnë reformat në Serbi dhe situatën në rajon. Ai në vizitën dyditore në Beograd shkon nga vizita njëditore në Shkup. “Komisioneri […]
Ai në vizitën dyditore në Beograd shkon nga vizita njëditore në Shkup.
“Komisioneri Hahn do të takohet me presidentin dhe kryeministren serbe në Beograd me të cilët do të diskutojë reformat që po zbatohen në rrugën drejt BE-së, si dhe çështjet rajonale”, raporton Tanjug.
Është paraparë që Hahn të takohet me Vuçiqin menjëherë pas arritjes në Serbi.
Dialogu midis Beogradit dhe Prishtinës pritet të jetë një nga temat që do të diskutojnë dy zyrtarë.
Hahn, i cili tashmë është angazhuar në zhbllokimin e dialogut Beograd-Prishtinë, njoftoi se do të përpiqet përsëri në korrik të motivojë udhëheqësit e të dyja palëve që të kthehen në tryezën e negociatave.
Pas dorëheqjes së kryeministrit, Ramush Haradinaj, Vuçiq dhe Hahn pritet të marrin në konsideratë situatën dhe mundësitë e reja sa i përket procesit të heqjes së taksës dhe normalizimit të marrëdhënieve midis Beogradit dhe Prishtinës.
Në Bruksel, një nga hapat e ardhshëm drejt zgjidhjes së “problemit të Kosovës” pritet të jetë një takim në shtator i organizuar nga presidenti francez Emmanuel Macron dhe kancelarja gjermane Angela Merkel, me praninë e zyrtarëve dhe liderëve evropianë nga Ballkani Perëndimor.
Në ditën e dytë të vizitës së tij, të premten, Johannes Hahn takohet me kryeministren Ana Bërnabiq ku do të flasin për proceset e reformës në Serbi, transmeton Klan Kosova.
