Gucati flet pas dorëheqjes së Haradinajt, thotë se Gjykata Speciale sjellë vetëm dëme

Kryetari i Organizatës së Veteranëve të Ushtrisë Çlirimtare të Kosovës, Hysni Gucati gjatë një konference për media ka komentuar dorëheqjen e kryeministrit Haradinaj.

Gucati theksoi se OVL e UÇK-së gjithnjë ka qënë kundër themelimit të Gjykatës Speciale dhe se nuk presin asgjë të dobishme prej saj, shkruan Periskopi.

‘’Ne sot kemi marrë një lajm dhe kemi dëgju se komandantit të zonës Operative të zonës së Dukagjinit, Ramush Haradinajt i ka ardhë një ftesë nga Gjykata Speciale dhe ne si OJQ e veteranëve, gjestin e tij që ka dhënë dorëheqje, është për të përshëndetur. Ai ka dashtë që interesi i vendit të jetë mbi interesat personale. Haradinaj do të dalë faqebardhë siç ka dalë në vitin 2004-2005. Kjo është hera e dytë që ai jep dorëheqje për arsye të njëjtë”, tha Gucati.

”Ne e kemi dënu Gykatën Speciale dhe nuk presim diçka të mirë, presim gjithçka prej saj. Ne e dënojmë këtë gjykatë dhe janë të papranueshme këto ftesa dhe kemi kërku nga deputetët të votohet nje Gjykatë vendore. Që nëse ka pasë krime, ato të dënohen në vendin tonë. Kjo Gjykatë është e njëanshme dhe e padrejtë. Aty përndiqen vetëm ushtarët e Kosovës dhe nuk përndiqen pjesëtarët e nacionaliteteve tjera iç janë serbët”.

Tutje ai është pyetur edhe për ftesën që e ka pranuar Bislim Zyferi por është deklaruar se nuk kanë qënë në dijeni për këtë ftesë.

‘’Nuk kemi informacione zyrtare do të ju lajmërojmë për ftesa zyrtare që do të vijnë. Jemi kundër gjykatës por nuk mund të marrim vendime kundër saj sepse ajo veqae ka kalu. Janë bod y vite që kjo ka kalu dhe jane bo mbi 60 ftesa deri tani’’, përfundon Gucati./Periskopi.