Gashi: Qeveria mund të vazhdojë edhe pa Haradinajn

Ramush Haradinaj gjatë ditës së sotme ka dhënë dorëheqje nga posti i kreut të vendit.

E pas dorëheqjes së tij, shteti shkon në zgjedhje të jashtëzakonshme.

Avokati Tomë Gashi në një prononcim për Periskopin, sqaron e gjithë procesin pas dorëheqjes së Haradinajt dhe se çka ndodh tutje me vendin.

‘’Në bazë të dispozitës së Kushtetutës së Kosovës tani është në duart e kryetarit të Kosovës faktikisht ta emëroj apo ta mandetojë një kryeministër tjetër nëse partitë që janë në dakord dhe që kjo qeveri ta vazhdojë punën që nuk besoj se kjo mund të ndodh. Besoj se s’do të vazhdohet në këtë mënyrë edhe pse mundësia ekziston, për shkak se Ramush Haradinaj me dhënien e dorëheqjes së parevokueshme ai faktikisht ka bërë me dije se AAK nuk do të jetë pjesë e Qeverisë.Nëse nuk vazhdohet me këtë koalicion qeveritar dhe nuk është i pranueshëm një mandatar tjetër nga partitë në pushtet atëherë vendi shkon në zgjedhje të parakoshme dhe këto zgjedhje duhet të bëhen publike apo të shpallen brenda afatit që është 45 ditë’’, tha Gashi për Periskopin.

Gashi thekson se sipas kushtetutës nuk është e përcaktuar një kohë se deri kur mund të zvarritet çështja e emërimit të një kryeministri të ri dhe të vazhdohet me qeveri teknike. Mirëpo theson se kjo çështje nuk duhet të vazhdohet deri në pafundësi.

‘’Brenda 45 ditëve duhet të vendoset se a vazhdohet me qeveri teknike apo të mandatohet një person që të jetë kryeministër por duhet të jetë i pranueshëm nga të gjitha partitë në pushtet. Sipas Kushtetutës së Kosovës nuk përcaktohet një kohë e saktë se kur duhet të vendos Presidenti i Kosovës’’, përfundon Gashi./Periskopi/