Drejtori i Komunës: Ne s’jemi përgjegjës për veshjen e Fjolla Morinës, pse kërkush s’reagoi për Rita Orën në Prishtinë?

Shala në një deklaratë dhënë Periskopit ka përmendur disa organizime të tjera nëpër hapësira publike, ku dukja e atyre që performuan thotë të ketë qenë shumë më skandaloze se ajo e Fjolla Morinës mbrëmë në Skenderaj.

“Pse s’keni reagu kërkush për Rita Orën e paraqitjen e saj në atë koncert. Të gjithë thonin shyqyr që ka ardh, por askush s’e ka komentuar zhveshjen e saj. Pastaj, mbi Fakultetin e Shkencave Sportive në Prishtinë është një organizim tjetër t’u u mbajt, i ki dy çifte femra në njërën anë dhe dy në anën tjetër dhe nja 14 tjera përreth që janë edhe nja 50 për qind më të zhveshura se që ka qenë këngëtarja mbrëmë. Edhe aty ka fëmijë, profesorë e doktorë e çka jo në audiencë. Pse kjo s’po paraqet problem, po po paraqet Fjolla në Skenderaj. A e keni parë me datën 21 Fjolla Morinën në Drenas, e njëjta këngëtare me të njëjtën dukje…me datën 21 në Drenas ka qenë Fjolla…Po them pse nuk e keni bërë kaq të madhe, e me përmend këtë punë. Po t’i përmendi katër evente të mëdha ku kanë performuar Fjolla të tjera, Rita, e ai zezaku me atë senin jashtë në shesh…ai 50 centi a e ke pa që jau ka qit atë senin e vetë jashtë. Pse s’jeni merrë me të hiç?”, ka thënë Shala për Periskopin.

Tutje ai ka kritikuar rëndë, e madje ka përmendur ‘motrat’ e ‘nënat’ e disa prej atyre që kryqëzuan performancën e Fjolla Morinës në Skenderaj.

“Edhe një punë duhet me dit ju mediat. Politikisht s’mundet me rrënu kërkush se nëse na kena pa për herë të parë zoga e këmbë jashtë, jemi mësu me i pa pikërisht prej nënave e motrave të qatyre njerëzve që e kanë kryqëzuar atmosferën mbrëmë. Që do i thom me emra. Për shumicën prej tyre, unë për herë të parë të zhveshura i kam parë nënat e motrat e tyre”, ka thënë Shala tutje.

Ai thotë se ndonëse kanë qenë bashkë-organizatorë në këtë koncert, ata nuk mund t’ia përcaktojnë veshjen askujt, as Fjolla Morinës madje.

“Ndërkaq ne organizatorët, është Qendra Rinore, e mbështetur prej neve, nuk ka mundur t’ia përcaktojë askujt kodin etik të veshjes, se me çfarë veshjesh me dalë këngëtarët në skenë, që mbrëmë ka qenë Fjolla. Ka qenë e sponsorizuar prej dy bizneseve e personalisht nuk e kam dit, e as nuk du me dit se cila është veshja e një këngëtari, por po të them ty si medium me u ndal e me ba një krahasim me pa se në cilat raste, kush sa ka qenë i zhveshur”, deklaroi ai tutje.

Shala kritikoi edhe prindërit e atyre fëmijëve që u panë në fotografitë që qarkulluan nga koncerti.

“Në Skenderaj ka qenë për herë të parë Fjolla dhe ne nuk marrim përgjegjësi për prindërit e atyre fëmijëve që në ora 10 të natës dalin nëpër hapësira publike. E para. E dyta, nuk marrim përgjegjësi e as nuk kemi kod etik se si do të duken anëtarët e estradës në binë. E treta, kanë qenë 10 mijë njerëz në shesh dhe ne s’mundemi me përcaktu se si do të dalë në skenë këngëtari. Dhe një tjetër që duhet me pas parasysh është se ata tipat që po don me përfitu politikisht me një skenë të një këngëtareje, duhet ta dinë se mënyra se si duket ajo në skenë është personale e saj, nuk i kallëzojmë as unë, as ti, e as ata që po tentojnë të përfitojnë politikisht. Por këtyre të fundit tregoju se më së pari jemi mësuar t’i shohim ashtu nënat e motrat e tyre, madje edhe më shumë se Fjolla…t’u i nis prej portalit tënd për klikime. Sa postime i keni më të zhveshura se Fjolla Morina që ka qenë mbrëmë?”, ka thënë Shala tutje, e më pas ka mbyllur telefonin.

Në media e në rrjete sociale pati kritika të shumta për performancën dhe veshjen e Fjolla Morinës në një koncert që është mbajtur në hapësira publike, e jo në ndonjë klub nate.

Me veshje të tillë, e vallëzime provokative, Morina ka kënduar madje edhe këngën  e njohur të Leonora Jakupit “A vritet pafajësia”./PERISKOPI