Drecunit i dhemb rezoluta e Kongresit amerikan: Vëllezërit Bytyqi ishin mercenarë të UÇK’së terroriste

Milovan Drecun thotë se rezoluta në Kongresin amerikan për vëllezërit Bytyqi, ishte pasojë e një ‘lobimi të fortë nga shqiptarët’.

“Vëllezërit Bytyqi kanë luftuar kundër vendit tonë, si anëtarë të UÇK’së terroriste. Presioni i Shteteve të Bashkuara të Amerikës, do të jetë constant”, ka thënë Drecun për Novostin serb, përkthen Periskopi.

Ai ka thënë se vëllezërit Bytyqi kanë qenë anëtarë të ‘Brigadës Atlantiku’ që janë trajnuar bashkë me shqiptarë të tjerë nga shërbimet perëndimore.

“At akanë luftuar në Pashtrik dhe kanë marrë pjesë në ndarjen e Serbisë nga Shqipëria. Kishte edhe shumë mercenarë të tjerë në këtë aksion”, ka thënë Drecun.

Ndryshe, Komiteti i Punëve të Jashtme i Kongresit të SHBA-ve, ka kaluar rezolutën 32-të, lidhur me vrasjen në Serbi të tre vëllezërve shqiptaro-amerikanë.

Kjo rezolutë e cilësuar si “H.Con.Res, 32’’ ka origjinë nga Dhoma e përfaqësuesve të Kongresit Amerikan, dhe hapë rrugë për kalim nga kongresi i plotë.

Rezoluta u miratua pak pas 20 vjetorit të vrasjeve të vëllezërve Mehmet (21), Agron (23) dhe Ylli (25) Bytyqi.

Komiteti kishte shënuar përvjetorin e vrasjes së vëllezërve Bytyqi vitin e kaluar me rezolutën ‘’H.Con.Res. 20”, që vë në dukje se 19 vjet më parë, me një akt të terrorizmit shtetëror, Serbia u bë përgjegjëse për vrasjen e tre qytetarëve amerikanë.

Kjo rezolutë ishte aprovuar nga Komiteti dhe do të kalonte për votim në Dhomën e Përfaqësuesve të Kongresit Amerikan.

Pas aprovimit kjo rezolutë do shërbejë ligjërisht si një kusht për marrëdhëniet SHBA-Serbi./Periskopi/