2 orë më parëDeputetja e PDK-së tregohet e rreptë: Nuk mund t’ia lëmë pushtetin VV-së dhe LDK-së, asnjëherë
Periskopi(7 vite më parë)
(7 vite më parë)Deputetja e Partisë Demokratike të Kosovës (PDK) Evgjeni Thaçi Dragusha, ka bërë një shkrim të çuditshëm në Facebook pas mbledhjes së mbajtur dje nga kryetari i partisë së saj, Kadri Veseli. Ajo ka shkruar se “vetëm për një gjë nuk janë të gatshëm [si parti]: që shtetin… ta lënë në dorë të sabotuesve të proceseve, […]
Ajo ka shkruar se “vetëm për një gjë nuk janë të gatshëm [si parti]: që shtetin… ta lënë në dorë të sabotuesve të proceseve, shkatërruesve të institucioneve, anemikëve politikë, dezertorëve dhe frikacakëve. Asnjeherë.”
Kjo fjali sygjeron qartë se zonja Thaçi Dragusha po flet për një mbajtje të pushtetit me forcë nga partia e saj. Ndërkohë që referenca është po ashtu e qartë duke njohur gjuhën e deritashme të bashkëpartiakëve të saj.
Kur flet për “sabotuesit e proceset, shkatërruesit e institucioneve” është e qartë se bëhet fjalë për Lëvizjen Vetëvendosje. Ndërkaq kur flet për “anemikët politikë, dezertorët dhe frikacakët” bëhet fjalë për Lidhjen Demokratike të Kosovës [LDK].
Thaçi Dragusha njihet edhe për afërsinë e saj familjare me presidentin e vendit, Hashim Thaçin.
Ndërkohë që LDK-ja me Lëvizjen Vetëvendosje kanë përafruar qëndrimet dhe janë në prag të formimit të një koalicioni parazgjedhor.
Ky është statusi i plotë në Facebook:
Vetem per nje gje nuk jemi te gatshem: qe shtetin te cilin populli i Kosoves e ndertoi me kaq shume sakrifice, ta leme ne dore te sabotuesve te proceseve, shkaterruesve te institucioneve, anemikeve politik, dezertoreve dhe frikacakeve. Asnjehere/Periskopi
