Deputetja e AAK’së merret me aktivistët e PDK’së, ua kushton një status në Facebook

Deputetja e AAK’së, Teuta Haxhiu, ka mbrojtur sërish kryetarin e saj dhe ish-kryeministrin Haradinaj për aktin e dorëheqjes nga ky post.

Ajo kësaj here shtyhet me aktivistët e PDK’së.

Haxhiu shkruan në FB:

“Dorëheqja e kryeministrit Haradinaj është akti më i lartë moral e politik e një lideri të guximshëm që nuk e bëjnë dot ata që sot duke e hedhur gurin e fshehur dorën,mundohen ta interpretojnë në mënyrat më të pasinqerta. Siç është edhe rasti i fundit i disa aktivistëve të PDK- së. Dhe kuptohet “misioni” i tyre është tendencë e paskrupullt në funksion të zbehjes së të arriturave të pakontestueshme të zt. Haradinaj në ruajtjen e krenarisë dhe integritetit shtetëror, vendosjen e taksës dhe parandalimin e ndarjes së Kosovës. Uroj që mos ta ken hallin e humbjes së Serbisë (230 milion € )në tregun e Kosovës. Me Ramushin 100% shtet …”

Kujtojmë se dje aktivisti i PDK’së, Trim Syla, ka thënë se Haradinaj shkoi ‘civil në Hagë dhe 24 orë onlinë është si kryeministër në Kosovë’.