Analisti: Ambasadorët po përpiqen ta gjejnë kryeministrin e ri, pa zgjedhje

Analisti i njohur kosovar, Imer Mushkolaj, e ka bërë një status të ri në Facebook në lidhje me situatën e re të krijuar pas dorëheqjes së Ramush Haradinajt nga pozita e kryeministrit.

Mushkolaj thotë se “ambasadorët e kanë nisë përpjekjen për gjetjen e një kandidati të ri për kryeministër” duke implikuar këtu interferim të jashtëm në proceset demokratike të Kosovës, shkruan Periskopi.

Ai thotë se “për ta është e rëndësishme që të mos bllokohet dialogu” duke nënkuptuar se nuk është e rëndësishme të respektohet vullneti qytetar.

Sidoqoftë, dialogu vazhdon të mbetet i bllokuar shkaku i taksës së vënë ndaj produkteve të importuara nga Serbia. Për ta zhbllokuar dialogun do të duhej që kryeministri i ri të hiqte taksën dhe të merrte kryesimin e dialogut.

Ky është statusi i plotë i z.Mushkolaj:

Ambasadorët i kanë nisë përpjekjet për gjetjen e një kandidati të ri për kryeministër. Për ta është e rëndësishme që të mos bllokohet dialogu. Mundet me ndodhë mos me pasë hiç zgjedhje. Interesant po bohet.