8 vjeçari shtyhet me qëllim drejt trenit i cili e shkelë dhe e vret

Një djalë i vogël 8 vjeçar është goditur nga një tren me shpejtësi të lartë ICE dhe u mbyt menjëherë. Nëna e tij pati mundësi të dilte në pjesën e sigurt mes dy platformave dhe të shpëtonte pa lëndime.

I dyshuari ishte ndjekur nga udhëtarët e tjerë në stacionin e trenit të cilët e shtrinë për toke. Policia konfirmoi se një burrë 40 vjeçar me origjinë afrikane ishte arrestuar, shkruan The Guardian, përcjell Periskopi.

Incidenti ndodhi në mëngjesin e sotëm, rreth orës 10 të mëngjesit. Nëna e djalit po trajtohej pasi ishte në gjendje shoku, sipas zëdhënëses së policisë.

“Pasagjerët ishin dëshmitarë të asaj katastrofe, dhe e ndoqën burrin që po ikte. Ishte e mundur ta arrestonim ndërsa ai ishte ende në stacion të trenit,” tha ajo duke shtuar se i njëjti e kishte pasur për qëllim që ta shtyente drejt shinave të trenit edhe një grua tjetër por ajo kishte mundur që ta mbronte veten.

I dyshuari besohet të jetë nga Eritrea. Nuk dihet motivi i tij për një gjest kaq kriminal. Nuk besohet që ai dhe viktimat të kenë njohur njëri-tjetrin.

Gjashtë platformat mbetën të mbyllura për disa orë. /Periskopi