Zmbrapset Irani: Kurrë s’do të ndërtojmë armë bërthamore, na e ndalon Islami

Irani më herët ka deklaruar se ideologjikisht është kundër krijimit të armëve nukleare dhe vetëm po kërkon që të shtojë fuqinë nukleare për qëllime të tjera.

Por, në klimën aktuale politike të paparashikueshme është e mundur që Donald Trumpi ta shohë këtë gjë si një shenjë për t’i filluar bisedimet.

Irani së fundi është larguar nga marrëveshja nukleare e 2015-s duke vazhduar pasurimin e uraniumit, por kjo nuk nënkupton se ky vend është rrugës për të ndërtuar një armë bërthamore, sipas ministrit të këtij vendi Javeed Zarif, përcjell Periskopi nga The Guardian.

Ky i fundit e përmendi përdorimin e fundit të këtyre armëve nga ShBA-të dhe komentet e bëra së voni nga Trump që nuk e kishte lancuar një sulm raketor ndaj Iranit sepse do t’i vriste 150 njerëz.

“Ju përnjëmend ishit të brengosur për 150 vetë? Sa njerëz i keni vrarë me armën bërthamore? Sa gjeneratave jua keni humbur farën me ato armë?” tha Zarifi gjatë ditës së sotme.

“Jemi ne ata që, për shkak të bindjeve fetare, nuk do t’i përdorim kurrë këto armë.” – shtoi më tej ai.

Gjatë këtij muaji, tensionet mes ShBA-së dhe Iranit kanë prekur pikën më të ulët në tridhjetë vitet e fundit. /Periskopi