5 orë më parëPolicia e Kosovës shton masat e kontrollit në prag të ardhjes së bashkëatdhetarëve
Periskopi(7 vite më parë)
(7 vite më parë)Sezoni i verës është i njohur për shtim të numrit të veturave në trafik. E si rezultat i tyre edhe aksidente të shumta e me pasoja. Për këtë arsye, Policia e Kosovës ka marrë masat e nevojshme. Përmes një komunikate për media, Policia e Kosovës, konkretisht Drejtoria Rajonale e Policisë-Pejë ka kërkuar nga vozitësit […]
Për këtë arsye, Policia e Kosovës ka marrë masat e nevojshme.
Përmes një komunikate për media, Policia e Kosovës, konkretisht Drejtoria Rajonale e Policisë-Pejë ka kërkuar nga vozitësit që të kenë kujdes në trafik.
PK po ashtu bën të ditur se ka shtuar edhe masat e mbikqyrjes dhe kontrollit në trafik.
Më poshtë njoftimi i plotë:
Policia e Kosovës, konkretisht Drejtoria Rajonale e Policisë Pejë, vazhdon me realizimin e detyrave dhe përgjegjësive referuar sezonit veror, periudhë me disa karakteristika të veçanta në vendin tonë, që kërkon aktivitete proaktive të shtura, në kuadër të implementimit të Urdhrit Operativ ‘ Sezoni veror 2019’, me ç’rast gjatë muajve në vijim kemi një fluks të madh të bashkatdhetarëve të cilët vijnë në pushim nga vendet e Evropës perëndimore dhe nga vendet tjera, dhe shumica nga këta vijnë me veturat e tyre, me ç’rast do rritet dukshëm numri i automjeteve në rrugët e Kosovës.
Njësitet policore në kuadër të Drejtorisë Rajonale, po ashtu edhe njësitet policore pranë stacioneve policore nëpër komunat e rajonit Pejë, referuar këtij plani dhe planeve të mëhershme në veprim, si ‘ Parandalimi i kundërvajtjeve në trafikun rrugor’, kanë shtuar masat e mbikëqyrjes dhe kontrollit të trafikut, me qëllim të rrjedhjes normale dhe sa më të mirë në trafikun rrugor, pjesëmarrësve në trafik, preventivi i aksidenteve dhe masat e shqiptimit ndaj kundërvajtësve, për të gjithë kundërvajtësit pjesëmarrës në trafikun rrugor.
Policia e Kosovës, kërkon nga të gjithë pjesëmarrësit në trafik, e në veçanti nga drejtuesit e automjeteve që të kanë përkujdesje më të shtuar gjatë qarkullimit në rrugë, sidomos në mbajtjen e distancës së nevojshme, t’i përshtaten kushteve të rrugës, përkufizimit të shpejtësisë sipas shenjave të parapara në të gjitha rrugët, kushteve atmosferike dhe shumë aktorëve tjerë që janë të përcaktuar me ligj.
Po ashtu PK njofton qytetarët, opinionin e gjerë se do të ndërmerren masa ndëshkuese ndaj të gjithë pjesëmarrësve në komunikacionin rrugor që nuk respektojnë rregullat e parapara sipas Ligjit, me të vetmin qëllim ngritjen e nivelit të sigurisë në trafik, parandalimin e aksidenteve rrugore në përgjithësi. Kujdesi maksimal i pjesëmarrësve në komunikacionin rrugor është I domosdoshëm për të shmangur aksidentet dhe në ketë mënyrë të krijohet një siguri më e madhe në trafikun rrugor.
