18 minuta më parëPasi i hodhi zjarrit benzinë, Meta tash bën thirrje të shmanget dhuna në zgjedhjet e nesërme
Periskopi(7 vite më parë)
(7 vite më parë)Presidenti i Shqipërisë, Ilir Meta, ka apeluar për vetëpërmbajtje të gjithsecilit ditën e nesërme kur do të mbahen edhe zgjedhjet lokale pa pjesëmarrjen e opozitës. Ai tha se është e rëndësishme të ruhet paqja sociale. “Përsëris thirrjen time për të respektuar në mënyrë civile dhe demokratike vendimin e gjithsecilit gjatë ditës së nesërme. Sërish ju […]
Ai tha se është e rëndësishme të ruhet paqja sociale.
“Përsëris thirrjen time për të respektuar në mënyrë civile dhe demokratike vendimin e gjithsecilit gjatë ditës së nesërme. Sërish ju ftoj të gjithëve të silleni me qetësi dhe mençuri! Është shumë e rëndësishme vetëpërmbajtja e gjithsecilit! E theksoj edhe njëherë rëndësinë e jashtëzakonshme që ka nesër ruajtja e paqes sociale”, deklaroi Meta.
Kreu i shtetit shqiptar deklaroi se të gjithë duhet t’i shërbejmë së ardhmes evropiane të Shqipërisë, ndërsa ka ftuar që të shmangen provokimet që çojnë drejt dhunës.
“Shmangni provokimet që mund t’ju çojnë drejt dhunës, në mënyrë që dallimet politike të mos cenojnë bashkëjetesën qytetare në çdo familje, në çdo lagje, në çdo fshat, në çdo qytet dhe në të gjithë shoqërinë tonë”, tha Meta.
