Nisin inskenimet e “krizës humanitare” në Veri: 40 veta shtyhen për një bukë

Qeveria e Kosovës insiston se po inskenohet një krizë humanitare, pasi që në veri ka artikuj ushqimorë dhe barna të mjaftueshme.

Radosh Petroviq, kryetar i Afaristëve të Veriut të Kosovës, ka paralajmëruar se për pak ditë qytetarët e veriut të Kosovës do të mbesin pa artikujt elementarë të jetesës, madje edhe pa bukë.

Sipas tij, tani nëpër dyqane e markete në komunat veriore mungojnë mielli, vaji, sheqeri e kripa.

Mirëpo gazeta “Zëri” merr vesh se të enjten (nesër) Serbia do të inskenojë një situatë të katastrofës humanitare, ku numër i caktuar i njerëzve do të paraqiten të uritur.

Sipas burimeve, nga pjesa veriore e Mitrovicës janë gjetur madje edhe 40 persona, të cilët do shtyhen për një bukë.