NATO i kërkon Rusisë të shkatërrojë raketat e reja, e kërcënon me përgjigjje të ashpër

NATO-ja i ka kërkuar Rusisë që të shkatërrojë raketat e reja para afatit që përfundon në muajin gusht dhe të shpëtojë traktatin që i mban mbushjet nukleare me bazën në tokë jashtë Evropës ose do të përballet me një përgjigjje të vendosur të kësaj aleance në rajon.

Ministrat e mbrojtjes të vendeve anëtare të NATO-s do të diskutojnë nesër hapat e radhës nëse Moska e mban sistemin raketor për të cilin Shtetet e Bashkuara thonë se do t’i lejonte të bënte sulme nukleare në Evropë dhe të shkatërronte Trajtatin e Forcave Intermediare nukleare të vitit 1987.

“Do t’i bëjmë thirrje Rusisë që të marrë rrugën e përgjegjshme, por nuk kemi parë ndonjë indikacion se kjo do të ndodh,” ka thënë sekretari i përgjithshëm Jens Stoltenberg në një konferencë për media.

“Do të na duhet që të përgjigjemi,” shtoi më tej ai.

Ai refuzoi të jepte komente më të detajuara. Por, diplomatët thanë se ministrat e mbrojtjes do të konsiderojnë më shumë fluturime drejt Evropës nga avionët luftarakë amerikanë që mbajnë mbushje bërthamore, më shumë trajnim ushtarak dhe ripozicionim të raketave amerikane.

Shtetet e Bashkuara dhe aleatët e saj të NATO-s duan që Rusia të shkatërrojë sistemin e saj 9M729/SSC-8 nuklear, të cilin Moska deri tash ka refuzuar ta bëj. /Periskopi