Ky është rrëfimi për babain dhe vajzën që u mbytën duke kërkuar jetë më të mirë në Amerikë

Trupat e Oscar Alberto Martinezit dhe vajzës së tij 23 muajshe, Angie Valerias, të shtrirë barkas në ujë, u shfaqën në një fotografi që e bëri xhiron e botës.

Fotografia e shkrepur të hënën ishte një përkujtues i zymtë i rrugës së rrezikshme që migrantët duhet ta marrin për të shkruar në Shtetet e Bashkuara të Amerikës, përkthen Periskopi nga CNN.

Babai me të bijën e tij ishin mbytur të dielën në Rio Grande derisa po kalonin nga Meksika për në Teksas, afër Brownsville. Në fakt, ata ia kishin dalë të kalonin për në Teksas fillimisht, me Martinezin që e kishte lënë vajzën e tij dy vjeçare në breg për t’u kthyer që ta merrte gruan e tij.

Por kur Angie Valeria e vogël e pa babain e saj duke notuar në anën tjetër, kërceu pas tij. Më pas, babai ishte kthyer që ta shpëtonte atë, por një rrymë e fortë detare i përmbyti dhe i la të vdekur.

Së pari, fotografia u botua nga gazeta meksikane La Jornada dhe u shpërnda me një ritëm marramendës duke nxitur reagime të mëdha edhe në Meksikë por edhe në ShBA.

“Këto familje nuk kanë asgjë, dhe po rrezikojnë gjithçka për një jetë më të mirë. Nëse skenat e tilla nuk na bëjnë të mendojmë përsëri atëherë shoqëria jonë është në rrugë të keqe.”

Familjarët e tyre janë shprehur të pikëlluar për ngjarjen. “Valeria ishte një fëmijë i hareshëm. S’i kishte as 2 vjet, por i pëlqente të kërcente, të luante me lodra dhe t’iu prekte flokët familjarëve. Babai i saj, Oscar Alberto Martinez Ramirez, ishte njeri që punonte gjithnjë, por e shiti motoçikletën dhe i mori hua disa para që ta çonte familjen e saj nga El Salvadori për në Shtetet e Bashkuara të Amerikës.

Ata kishin udhëtuar nga El Salvadori për në Jug të Meksikës në mënyrë që kur të mbërrinin në Shtetet e Bashkuara, të kërkonin azil e të iknin nga dhuna që i largon shumë amerikanoqëndror nga vendet e tyre.

Amerika dukej me sytë e tyre para se të vdisnin.