Kryeministri në ardhje i Britanisë trondit me përgjigjjen se si e kalon kohën e lirë

Njeriu që ka më së shumti gjasa për t’u bërë kryeministër i Mbretërisë së Bashkuar, Boris Johnson, ka shkaktuar tronditje në opinionin publik të vendit të tij pas përgjigjjes së tij në pyetjen se si e kalon kohën e lirë.

Ai deklaroi se hobi i tij është pikturimi i modelëve të autobusëve.

Duke folur në një emision në radio gjatë ditës së djeshme, kandidatu kryesor për të zëvendësuar Theresa Mayin u pyet nga intervistuesi se çka bënte për t’u relaksuar.

Johnsoni ishte përgjigjur: “Më pëlqen të vizatojë. Ose bëj gjëra. Nganjëherë krijojë modele autobusësh. Ajo që bëj është, se marrë arka të vjetra të drurit dhe i pikturoj. Ajo është një arkë e krijuar për t’i mbajtur dy shishe vere dhe duhet ta ketë një gjë ndarëse, apo jo. E kështu, e kthej atë në autobus.”

Brian Klass e quajti përgjigjjen e Johnsonit si tepër të çuditshme dhe bizare. Matt Bevan më pas tha se në atë formë do të përgjigjej djali i tij 3 vjeçar.

Ndërsa disa komentues tjerë e çuan përpara teorinë se pretendimet e Johnsonit mund të mos kenë qenë krejt të vërteta.