6 orë më parëKjo deklaratë e Ahmetit shpërfaqë se sa axhami u tregua Haradinaj për dialogun
Periskopi(7 vite më parë)
(7 vite më parë)Kryetari i PSD’së dhe ish-kryenegociatori i Ekipit Shtetëror për Dialogun, Shpend Ahmeti, ka thënë se kryeministri Ramush Haradinaj ia kishte përmendur në një koktej mundësinë që Selim Selimi të mbante në Berlin një takim me delegacionin serb për të diskutuar për marrëveshjet e arritura mes dy vendeve deri më tani – raporton Periskopi. Në Debat […]
Në Debat Plus në Tv Dukagjini, Ahmeti ka thënë se njoftimi për takime mes delegacioneve të Serbisë e Kosovës nuk bëhen në kokteje.
Ahmeti nuk është i sigurt nëse Haradinaj ia kishte përmendur edhe Arifin, përveç Selimit.
“Në koktej nuk thuhet se ka takim në Berlin. Më ka thënë se Selimi do të diskutojë për marrëveshjet e arritura deri më tani. Nuk e di a e ka përmendur Avni Arifin. Do të duhej delegacioni të njoftohej. Nuk bëhen këto gjëra me llafe të koktejeve. Për këtë do të duhej të kishte njoftim zyrtar”, ka thënë Ahmeti.
Ndërkohë, Haradinaj ka thënë se ai kishte kontaktuar me gjithë partnerët e koalicionit për takimin qe njerëzit e tij zhvilluan tinëzisht ne Berlin.
Për Periskopin, një ditë pas takimit, nga PDK patën thënë se ‘nuk i kanë informuar për ketë takim’ e poashtu edhe nga AKR e patën konfirmuar këtë.
Edhe në një nga konferencat e fundit të tij, kryeministri Haradinaj këmbëngulte se s’ka pasë asgje të fshehtë në Berlin dhe se te gjithë kanë qenë të njoftuar për këtë./PERISKOPI
