Haxhiu i bërtet NISMA’s: A e dini çka keni ba në Malishevë me arsim, e keni shkatërru

Madje deputetja e VV’së, Albulena Haxhiu ngriti fort tonin e zërit ndaj ministrit Bytyqi dhe deputetit të Nismës, Enver Hotit.

‘’A e di çka do të thotë për një shtet me shkatërru arsimin, a jeni të vetëdijshëm për këtë’’, i tha Haxhiu ministrit nga radhët e Nismas.

Ndërsa ajo hedhi akuza edhe për qeverisjen në Malishevë, e cila është bastion i Fatmir Limajt.

‘’Logjikën e tillë abuzive përvec që e keni bërë me ministri, e keni bërë edhe në komuna. A e dini cka keni bë në Malishevë? E keni shkatërru, i keni shkatërru shkollat. Me njerëz partiakë e të padijshëm. Ndalni këto abuzime me arsimin sepse kjo qasje po i detyron të rinjtë të lëshojnë Kosivën dhe të gjejnë jetë më të mirë’’, shtoi Haxhiu, teksa iu përgjigj një akuze të deputetit Hoti.

Menjëherë replikoi ministri Shyqyri Bytyqi, duke e pranuar se ka familjarë të tij të punësuar në MASHT, megjithatë i thotë Haxhiut të mos tallet me të dhe të informohet më mirë.

‘’Edukimi im nuk më lë të tallem me askënd, madje as me personin më të ulët, fëmijët. Familjarët  e mi janë të punësuar në Ministrinë e Arsimit. Por ju kisha ruajt të merrni info të sakta’’.

Albulena Haxhiu numëroi emra të shumë, që sipas saj janë familjarë të Bytyqit të punësuar në Ministrinë që ai udhëheqë./PERISKOPI/