4 orë më parëGjuriq: Prishtina ka lënë pa bukë qytetarët tonë në veri të Kosovës, durimit tonë po i vjen fundi
Periskopi(7 vite më parë)
(7 vite më parë)Drejtori i të ashtuquajturës Zyrë për Kosovën në qeverinë e Serbisë, Marko Gjuriq, thotë se Prishtina dëshiron ‘një eksod të serbëve në Kosovë’. “Beogradi nuk do të lejojë që populli i saj në veri të Kosovës të përfundojë në këtë mënyrë”, ka thënë Gjuriq për Blicin serb, përcjell Periskopi. Ai ka thënë se Prishtina me […]
Drejtori i të ashtuquajturës Zyrë për Kosovën në qeverinë e Serbisë, Marko Gjuriq, thotë se Prishtina dëshiron ‘një eksod të serbëve në Kosovë’.
“Beogradi nuk do të lejojë që populli i saj në veri të Kosovës të përfundojë në këtë mënyrë”, ka thënë Gjuriq për Blicin serb, përcjell Periskopi.
Ai ka thënë se Prishtina me masat e saj, ka çuar në mbylljen e dyqaneve ushqimore duke detyruar serbët që të gjejnë rrugë alternative për ushqim.
“Prishtina nuk ishte aq e aftë të na shkaktojë shumë dëme ekonomike me politikat e saj agresive por tani ka filluar t’i aplikojë ato tek qytetarët tonë duke rrezikuar seriozisht ekzistencën e tyre. Po ju rikujtojmë se atje mungon madje edhe ushqimi për qytetarët tonë”, ka thënë Gjuriq.
“Është shumë e vështirë për të shpjeguar këtë situatë të qytetarëve tonë në Kosovë të cilët janë të ekspozuar për ditë ndaj masave të Prishtinës”, ka thënë ai.
“Jemi duke kalkuluar me kujdes se cilat do të jenë lëvizjet tona në këto rrethana. Është e kuptueshme se edhe durimi jonë ka një kufi”, ka thënë ai./Periskopi/
