Gazeta amerikane shkruan për rrugëtimin e vështirë të një familjeje shqiptare

Familja Ferati gjendet në Erie të Pensilvanisë, qytet që dikur kishte një industri shumë të fuqishme por që tani nuk ka më shkëlqimin e dikurshëm. Aty po vendosen tani shumë emigrantë në një përpjekje për të kthyer ekonominë e këtij vendi.

Këtu mediumi amerikan ka bërë një intervistë me Ferki Feratin. Ai është shqiptar nga Kosova. Në rini ka qenë pjesë e kampeve të refugjatëve, tani ai është anëtarë i shoqërisë civile në Erie si president i Shoqatës Jefferson Educational.

Ai ka grua një ruse me emrin Katya dhe së bashku kanë një djalë me emrin Adrian.

Këtë muaj atij i ka vdekur babai, Selmani, në moshën 68 vjeçare. Këtu gazeta tregon për vlerat që babai i Ferkisë kishte ruajtur tërë jetën si dhe ëndrrën amerikane që ai e realizoi.

Selman Ferati ishte baba i gjashtë fëmijëve. Ai ishte i zëshëm kundër regjimit të Millsheviçit, një regjim që besonte se qytetarët tjerë pos serbëve që jetonin në Jugosllavi ishin njerëz të dorës së dytë.

Ai qëndroi edhe përkundër gjenocidit ndaj shqipratëve dhe boshnjakëve.

Familja e tij ishte prioritet, ai i morri në Maqedoni fillimisht dhe prej aty në SHBA në vitin 1999.

Tërë jetën ai u dha guxim fëmijëve të tij.

“Ëndërroni më shumë, mësoni më shumë dhe bëni shumë më shumë”, u kishte thënë gjithmonë ai fëmijëve të tij.

Ai kishte kërkuar të varrosej në Kosovë. Por ai, shkruan gazeta, mbetet simbol i idealit të shtetit amerikan.