7 orë më parëDizajnuesi i iPhone’it largohet nga Kompania ‘Apple’
Periskopi(7 vite më parë)
(7 vite më parë)Britaniku, Sir Jony Ive, i cili për më shumë se dy dekada ndihmoi Kompaninë ‘Apple’ që të bëhet kompania më me vlerë në botë, ka njoftuar se do të largohet për ta krijuar ndërmarrjen e vetë – transmeton Periskopi. Projektuesi i Mac, iPod dhe iPhone, do ta lë ‘Apple’ këtë vit për të filluar biznesin […]
Projektuesi i Mac, iPod dhe iPhone, do ta lë ‘Apple’ këtë vit për të filluar biznesin e tij të quajtur ‘LoveFrom’, me ‘Apple’ si klientin e parë të tij.
“Kjo duket se është koha e duhur për ta bërë këtë ndryshim”, ka thënë ai.
Shefi i ‘Apple’, Tim Cook citohet të ketë thënë se ‘roli i Ive në ringjalljen e ‘Apple’ nuk mund të ekzagjerohet”.
Largimi i tij vjen në një kohë të ndryshimit të madh për gjigantin e teknologjisë.
Shefi i shitjes me pakicë, Angela Ahrendts u largua në prill të këtij viti dhe investitorët që atëherë kanë qenë të shqetësuar me rënien e nivelit të shitjes së iPhone’ve.
Ende nuk është gjetur personi i duhur që do ta zëvendësojë Ive.
Në një intervistë ekskluzive për Financial Times, Ive, nuk dha shumë detaje për kompaninë e tij të re të quajtur ‘Love From’, derisa bëri të ditur se selia e saj do të jetë në Kaliforni.
Ive po ashtu njoftoi se në ndërmarrjen e tij do të bashkohet edhe Mark Neëson, një mik dhe bashkëpunëtor i ngushtë i ‘Apple’./PERISKOPI
