5 orë më parëA ndodhi rrahja mes drejtorëve të Ministrisë së Mjedisit? – Ilir Morina e Fatmir Morina flasin për Periskopin
Periskopi(7 vite më parë)
(7 vite më parë)Kryeshefi i Agjencisë për Mbrojtjen e Mjedisit, Ilir Morina, në një deklaratë dhënë për Periskopin ka demantuar raportimet e mediave se ai është përleshur fizikisht me drejtorin e Drejtorisë së Parkut Nacional “Bjeshkët e Nemuna”, Fatmir Morina. Morina ka thënë se aktualisht është duke pirë limonadë me drejtorin, dhe se atë nuk e ka takuar […]
Morina ka thënë se aktualisht është duke pirë limonadë me drejtorin, dhe se atë nuk e ka takuar fare gjatë ditës deri tani.
“Ato janë spekulime. Nuk është e vërtet që ka pasur rrahje e as ndonjë përplasje. Aktualisht unë e drejtori jemi duke pirë limonadë”, ka thënë Morina për Periskopin.
Madje, në rrjetin social “Facebook” ai ka publikuar një fotografi në një nga lokalet e kryeqytetit, ku shihet duke pirë limonadë me Fatmir Morinën dhe Burim Cakollin.
Për të njëjtën çështje, Periskopi ka kontaktuar edhe drejtorin e Drejtorisë së Parkut Nacional “Bjeshkët e Nemuna” Fatmir Morinën.
Edhe ai ka demantuar totalisht raportimet për përleshje fizike.
“Edhe ne kemi mbetur të habitur nga publikimi i atij lajmi. Aty s’ka asgjë të vërtet. Ne jemi së bashku aktualisht”, ka thënë ai.
Burime të Periskopit kanë bërë të ditur se Ilir Morina dhe Fatmir Morina kanë zgjedhur natyrën për t’i larë hesapet mes tyre.
Të njëjtat burime bëjnë të ditur se përleshja mes tyre ka ndodhur dje pasdite në Prevallë.
Por, të njëjtën gjë e ka mohuar Fatmir Morina.
“Jo jo. S’është e vërtet kjo fare. Ne nuk kemi qenë atje madje. Kemi dëshmi për këtë”, tha ai./PERISKOPI
