Vuçiq tregon në parlamentin serb dy skenarë për Kosovën

Para fjalimit, disa anëtarë të Dverit në hyrje të Parlamentit pritën presidentin me thirrjet “Tradhti-tradhti”.

Në sesion morën pjesë edhe kryeministrja Ana Brnabiq, ministrat e Qeverisë së Serbisë, si dhe drejtori i së ashtuquajturës Zyrë për Kosovën Marko Gjuriq.

Anëtarët e shumicës qeverisëse dhe disa anëtarë të opozitës morën pjesë në punën e seancës, ndërsa pjesa e opozitës që normalisht bojkoton punën e parlamentit nuk ishte e pranishme as në këtë seancë.

Presidenti Vuçiq duke folur për zgjidhjen e problemit të Kosovës, tha se ekzistojnë dy skenarë: ose situata të jetë normale ose do të ketë konflikt të ngrirë.

“Kjo do të ishte katastrofale”, tha ai, duke shtuar se do të vazhdojë luftën për serbët në Kosovë, transmeton KosovaPress.