6 orë më parëUNMIK-u për aksionin në veri, kërkon lirimin e zyrtarit të arrestuar
Periskopi(7 vite më parë)
(7 vite më parë)Misioni i Kombeve të Bashkuara në Kosovë, UNMIK-u ka kërkuar lirimin e zyrtarit të vet i cili është ndaluar sot gjatë aksionit të zhvilluar nga Njësia Speciale e Policisë së Kosovës në veri. Përmes një publikimi për media, nga UNMIK kanë deklaruar se po përcjellin me shqetësim zhvillimet e fundit në Kosovë. “UNMIK-u po përcjell […]
Përmes një publikimi për media, nga UNMIK kanë deklaruar se po përcjellin me shqetësim zhvillimet e fundit në Kosovë.
“UNMIK-u po përcjell me shqetësim të madh zhvillimet në veri të Mitrovicës sot përfshirë ndalimin e dy personave që janë punëtorë të UN gjatë aksionit të Policisë. Të dy pjesëtarët e UNMIK-ut janë transferuar në spital për trajtim të lëndimeve. Ne jemi duke shikuar rrethanat e sakta në koordinim të plotë me të gjitha organizatat ndërkombëtare në terren”, thuhet në njoftim.
Përfaqësuesi special i sekretarit të përgjithshëm të OKB-së në Kosovë, Zahir Tanin ka bërë thirrje për lirim të menjëhershëm të stafit të UNMIK-ut, duke shtuar se “çdo lëndim i pjesëtarëve të UNMIK-ut do të ketë përgjigje të lartë ligjore diplomatike dhe ndërkombëtare”.
“Iu bëjë thirrje të gjitha palëve që të udhëhiqen nga principet e sundimit të ligjit dhe dinjitetit për jetë, liri dhe të ndihmojnë në rikthimin e qetësisë dhe sigurisë në këtë pjesë”, ka thënë ai.
Sot në mesin e shumë të arrestuarve, presidenti i Kosovës Hashim Thaçi deklaroi se ishte edhe një rus që ishte kamufluar si diplomat. Për këtë reagoi Rusia që kërkoi lirimin e menjëhershëm të shtetasit të saj, për të cilin tha se punon në UNMIK.
