Të shtëna me armë, dy të arrestuar në Klinë

Policia ka arrestuar dy persona me inicialet G.G dhe R.I në fshatin Dollc të Klinës, pasi dyshohet se kanë shtënë me armë zjarri në drejtim te viktimave të cilët ishin në vendin e punës.

Njësitet policore kanë dalë në vendin e ngjarjes ku kanë kontaktuar me viktimat të cilët kanë njoftuar lidhur me rastin dhe sipas tyre personat e dyshuar kanë tentuar të kryejnë vjedhje në një kompani.

Gjatë të shtënave nga ana e të dyshuarve nuk ka pasur persona të lënduar.

Të dyshuarit janë ndaluar për 48 orë, për të vazhduar me procedura të mëtejme ligjore për veprën ‘përdorim i armës apo mjetit të rrezikshëm’.