6 orë më parëShBA-ja: Forcat Detare Iraniane na sulmuan me mina
Periskopi(7 vite më parë)
(7 vite më parë)Këshilltari për Siguri Kombëtare i ShBA-ve, John Bolton, ka thënë se “minat detare është gati e sigurt se erdhën nga Irani” dhe se ato shkaktuan dëmtimin e cisternave me naftë në Gjirin e Omanit në fillim të këtij muaji. Z.Bolton nuk dha asnjë provë për të mbështetur pretendimin e tij, për të cilin Irani tha […]
Z.Bolton nuk dha asnjë provë për të mbështetur pretendimin e tij, për të cilin Irani tha se ishte “për të qeshur”.
Sulmet në bregun lindor të Emirateve të Bashkuara Arabe më 12 maj kishin lënë të çara në katër anije, raporton BBC, përkthen Periskopi.
Incidenti erdhi pas përshkallëzimit të tensioneve mes Iranit dhe ShBA-ve.
Të premten e kaluar, zëvendës-admirali amerikan Michal Gilday tha që besonte “se sulmet e kishin origjinën te lidershipi i Iranit në shkallët më të larta të tij”.
Z.Bolton, një avokues tash e një kohë të gjatë i idesë për ndryshim regjimi në Iran, i mëshoi fjalëve të admiralit pas një vizite në Emirate gjatë ditës së sotme, duke iu thënë reporterëve se “ishte e qartë se Irani ishte prapa sulmit”.
“Nuk ka asnjë dyshim te askush në Washington për përgjegjësin e kësaj gjëje. Kush tjetër mendoni se qëndron prapa? Dikush nga Nepali?” – tha z.Bolton. /Periskopi
