3 orë më parëReagon Isa Mustafa: Krimi nuk njeh etni, Serbia s’ka pse të shqetësohet
Periskopi(7 vite më parë)
(7 vite më parë)Kryetari i Lidhjes Demokratike të Kosovës [LDK] Isa Mustafa ka reaguar me anë të një postimi në Facebook në lidhje me aksionin e sotëm të Policisë së Kosovës [PK] në veri të vendit ku raportohet të jenë arrestuar nëntë shtetas të Kosovës. Z.Mustafa deklaron se “duhet të përshëndetet çdo aksion dhe veprim ligjor e legjitim […]
Kryetari i Lidhjes Demokratike të Kosovës [LDK] Isa Mustafa ka reaguar me anë të një postimi në Facebook në lidhje me aksionin e sotëm të Policisë së Kosovës [PK] në veri të vendit ku raportohet të jenë arrestuar nëntë shtetas të Kosovës.
Z.Mustafa deklaron se “duhet të përshëndetet çdo aksion dhe veprim ligjor e legjitim i organeve të drejtësisë së Kosovës në tërë territorin e Republikës”, përcjell Periskopi.
Më tej ai shton se krimi i organizuar nuk njeh etni, dhe se ky aksion nuk ka qenë i drejtuar kundër komunitetit serb në Kosovë.
Ai përmend edhe rastin e fajdeve që ishte shumë aktual ditët e fundit, duke thënë që “Drejtësia nuk guxon të jetë selektive si në rastin e fajdeve.”
Më poshtë keni statusin e plotë në Facebook:
Të nderuar qytetarë
Duhet të përshëndetet çdo aksion dhe veprim ligjor e legjitim i organeve të drejtësisë së Kosovës në tërë territorin e Republikës.
Krimi i organizuar nuk njeh etni, ashtu sië nuk duhet të njoh as ligji.
Të gjithë ata, shqiptarë, serbë, boshnjakë etj, zyrtarë e jo zyrtarë duhet të paergjigjen në mënyrë të barabartë para ligjit për veprimet e dëmshme që po ia shkaktojnë vendit.
Drejtësia nuk guxon të jetë selektive si në rastin e fajdeve.
Zbatimi i drejtësisë nuk duhet ta shqetësoj askënd dhe as Serbinë, nëse ata nuk janë të involvuar në këto veprime kriminale. IM
