8 orë më parëReagimi i Bechtel Enkës për ish-punëtorin që tha se nuk guxon të kalojë nëpër Autostradën ‘Arbën Xhaferi’
Periskopi(7 vite më parë)
(7 vite më parë)Inaugurimi i autostradës “Arbën Xhaferi”, e cila shtrihet nga Prishtina në Han të Elezit, në kufi me Maqedoninë e Veriut, është bërë dje me një ceremoni shtetërore. Punimet e autostradës me gjatësi prej 60 kilometrash që ka urën më të gjatë në Ballkan, i ka kryer konsorciumi turko-amerikan “Bechtel-Enka”. Për cilësinë e autostradës, ka ngritur […]
Për cilësinë e autostradës, ka ngritur pikëpyetje një ish-punëtor i saj. Ai autostradën e ka quajtur të mirë vetëm në pamje dhe të rrezikshme për të qarkulluar, sepse siç shprehet “është e cilësisë së dobët”.
Për këto deklarata që ish-punëtori i Bechtel Enkës, Përparim Sadiku, i dha dje në T7, është përgjijgur zëdhënësja e kësaj kompanie, Ela Ruçi.
Ajo ka injoruar pretendimet e ish-punëtorit, derisa është shprehur e lumtur nga puna që është kryer në atë autostradë.
“Jam shumë e gëzuar që përfunduam me sukses një autostradë të parametrave ndërkombëtarë”, tha ajo.
Sidoqoftë, ish-punëtori Sadiku ka thënë se nuk ka guxim të udhëtojë nëpër autostradën e re për shkak të cilësisë së dobët.
“Nuk kam besim ta kaloj urën. Nuk do ta vizitojë kurrë autostradës përtej Fusha e Pajtimit. Për shkak se më ndodhi lëndimi duke e ndërtuar dhe cilësisë së keqe. Jam i bindur se 30% i punëtorëve nuk kanë zemër të shkojnë në atë autostradë për shkak të ndërtimit të keq”, tha Sadiku.
Ai ka deklaruar se është i gatshëm t’i ofrojë këto informacione Prokurorisë së shtetit nëse e kontaktojnë.
Punimet e kësaj autostrade kanë filluar në vitin 2014, buxhetit të Kosovës i ka kushtuar mbi 700 milionë euro.
Gjatë ndërtimit të saj ka pasur edhe fatkeqësi si punëtorë të vdekur dhe të lënduar.
