6 orë më parëQeveria pranon Raportin për Kosovën: Do t’i kryejmë detyrat e shtëpisë, por taksën se heqim
Periskopi(7 vite më parë)
(7 vite më parë)Kryeministri Ramush Haradinaj ka pritur në takim Shefja e Zyrës së BE-së në Kosovë, Nataliya Apostolova nga e cila edhe ka pranuar Raportin për Kosovën të Komisionit Europian. “Sot pranuam raportin nga Komisioni Europian. Është një raport më të gjetura të përziera, ka vlerësime, por edhe kritika, ka kritika edhe për taksën”, ka thënë Haradinaj. […]
“Sot pranuam raportin nga Komisioni Europian. Është një raport më të gjetura të përziera, ka vlerësime, por edhe kritika, ka kritika edhe për taksën”, ka thënë Haradinaj.
“Javën e ardhshme do ta vlerësojmë më në detaje raportin në mënyrë që t’i kryejmë detyrat e shtëpisë”.
Apostolova ka thënë se Kosova ka bërë progres në disa fusha, por duhet akoma punë.
“Kosova ka bërë progres në reformën e administratës publike, statistikat në lidhje me ekonominë, sundimin e ligjit, luftën kundër korrupsionit dhe krimit të organizuar”, ka thënë shefja e BE-së para mediave.
“Në anën pozitive mund ta them që gota është gjysmë e mbushur”.
“Gjithashtu ligjin e ri për Qeverinë që jeni duke u përgatitur, sepse kemi një qeveri shumë të madhe”.
Haradinaj tha se ky ligj do të bëhet shumë shpejt.
Në këtë takim ishte edhe ministrja e Integrimeve Europiane, Dhurata Hoxha, e cila se duhet të punohet në rekomandimet që kanë dalë nga ky raport.
“Kemi një gjuhë pozitive për liberalizimin e vizave. Ky raport e konfirmon se Kosova i ka plotësuar kriteret, por gjithashtu bën thirrje që kryeqendrat europiane të marrin sa më shpejt një vendim pozitiv”.
