Policia sqarohet edhe njëherë: Gruaja rome nuk paraqet rrezik, mos e linçoni

Policia në reagim thekson se gruaja rome me këtë rast ajo është linçuar në forma të ndryshme dhe në rrjetet sociale.

Lidhur me gruan është bërë indentifikimin e saj, menjëherë pas publikimit të lajmit që ajo mund të jetë e përfshirë në ndonjë rast të vjedhjes apo kidnapimit të fëmijëve.

E njejta nuk është përfshirë në asnjë rast, dhe nuk paraqet ndonjë rrezik.

Me këtë rast organet e rendit bëjnë thirrje që gruaja rome duhet të gëzojë gjitha drejtat e lëvizjes së lirë dhe mos të ketë nxitje të urrejtjes në komunitet, njofton Policia e Kosovës.

Në të kundërtën do të ndërmerren edhe masa për parandalim të rasteve të incidenteve si ajo në Lipjan dhe Ferizaj dhe arrestimin e personave të dyshuar.