3 orë më parëPo zbrazen dyqanet nga mallrat serbe
Periskopi(7 vite më parë)
(7 vite më parë)Zbatimi i taksës 100 për qind për produktet nga Serbia dhe Bosnja Hercegovina ka filluar të zbrazë vitrinat e dyqaneve në tregun e Kosovës me artikujt e këtyre vendeve. Ndërkohë që te disa produkte të importuara nga këto dy vende, të cilat ende mund të hasen nëpër dyqanet e Kosovës, vërehet lëvizje e çmimeve, e […]
Ministri i Tregtisë dhe Industrisë në Qeverinë e Kosovës, Endrit Shala, tha për Radion Evropa e Lirë se në bazë të inspektimeve në treg, del se prania e sasisë së mallrave nga Serbia dhe Bosnjë e Hercegovina është dukshëm më e vogël.
Ai thotë se mallrat nga këto dy shtete mund të hyjnë në tregun e Kosovës vetëm nëse paguajnë taksën doganore 100 për qind.
“Republika e Kosovës nuk ka vendosur masë të ndalimit të tërësishëm të importit nga këto dy vende. Në raport me produktet e Serbisë dhe Bosnjë e Hercegovinës, ne kemi vendosur taksë 100 për qind. Dhe çdo produkt që paguan këtë masë të vendosur nga Qeveria e Republikës së Kosovës lejohet të hyjë në tregun e Kosovës”, tha Shala.
Një nga dërgesat e fundit që kanë ardhur nga Bosnjë e Hercegovina në tregun e Kosovës, ka ndodhur në fillim të këtij muaji. Kompania “EuroFood” nga Prizreni ka importuar produktin “Chipsy” nga kompania” Marbo” nga Bosnja në vlerë prej 8.771 euro. Njëherësh është paguar edhe taksa 100 për qind për këtë produkt.
