8 orë më parëPas heqjes nga tregu të mbi 16 mijë produkteve, lansohet ueb faqja për raportimin e produkteve të rrezikshme
Periskopi(7 vite më parë)
(7 vite më parë)Trupi Koordinues për Mbikëqyrjen e Tregut ka lansuar ueb-faqen për raportimin e produkteve të rrezikshme – RAPEX Kosova me qëllim që gjithë qytetarët e Kosovës të jenë më të sigurt në mallrat dhe produktet që ata i përdorin. Ministri i Tregtisë dhe Industrisë, Endrit Shala u shpreh se me anë të kësaj ueb faqe do […]
Ministri i Tregtisë dhe Industrisë, Endrit Shala u shpreh se me anë të kësaj ueb faqe do të mundësohet që konsumatorët në Kosovë të jenë më të sigurt në identifikimin e gjitha produkteve.
“Nga sot me lansimin e kësaj ueb faqe konsumatori ynë do të jetë më i sigurt për produktet që do t’i konsumojë”, tha Shala.
Ai gjithashtu bëri të ditur se mbi 16 mijë produkte kanë tërhequr nga tregu vetëm gjatë vitit të kaluar.
Shefi i bashkëpunimit në Zyrën e BE-së, Luigi Brusa tha se me anë të kësaj web faqe, përmbushet dhe një aspekt i MSA-së.
Kjo sipas tij, bën që të ketë më shumë informim për gjitha produktet dhe mallrat që hynë dhe janë në Kosovë.
Ai, mes tjerash tha se me anë të Rapex-it do të mbulohen disa produkte të rëndësishme.
“Këto janë përparësi sepse ekziston një instrument që garanton siguri për mallrat që vijnë nga vendet e tjera”, tha ai.
Kurse, kryeinspektori, njëherësh udhëheqës i trupit koordinues Lulzim Syla tha se me anë të kësaj do t’iu lehtësohet më shumë puna e tyre.
