Pas ftesave për dialog, Rama reagon përsëri: Durimi s’është pritje

“Durimi nuk është pritje. S’është të presësh duarkryq. Kjo është përtaci. Durimi është të vazhdosh kur vazhdimi është i vështirë dhe i ngadaltë. Dy luftëtarët më të fuqishëm janë koha dhe durimi”, shkruan Rama, një mesazh dërguar rivalit politik Basha.

Kryeministri i Shqipërisë, Edi Rama, sot ia ka shkruar letrën e katër publike kryetarit të Partisë Demokratike, Lulzim Bashës, të cilit i ka kërkuar dialog, raporton Periskopi.

Rama i ka thënë Bashës se është më mirë për të që tani të ulet në tryezën e dialogut, në mënyrë që më vonë mos t’i bie pishman pse nuk e bëri një gjë të tillë.