5 orë më parëPacolli: Sa të jem unë ministër, Bërnabic s’do të hyjë në Kosovë – Na quajti njerëz të malit
Periskopi(7 vite më parë)
(7 vite më parë)Ministri i Jashtëm i Kosovës, Behgjet Pacolli i ka quajtur të pështira dhe të papranueshme komentet e kryeministres serbe, Ana Bërnabic ndaj Kosovës, për të cilën thotë se në prani të shefit të Delegacionit të BE-së në Serbi Sem Fabrizi, ka thënë se ‘kemi të bëjmë me njerëz që vijnë nga mali” – raporton Periskopi. […]
Ai ka shkruar në Facebook se shpreson shumë se Evropa ta kuptojë se me çfarë lloj njerëzish ka të bëjë.
Ai madje ka shkruar se gjatë kohës së ai do të jetë ministër, nuk do ta lejojë Bërnabicin të hyjë në Kosovë.
Reagimi i plotë i Pacollit:
I pështirë dhe krejtësisht të papranueshëme komentet e Kryeministres serbe Ana Brnanic në prani të shefit të Delegacionit të BE-së në Serbi Sem Fabrizi ndaj Kosovës “që kemi të bëjmë me njerëzit që vijnë nga mali”.
Ky racizëm i institucionalizuar në Serbi, që ka brumin në ideologjinë ultranacionaliste të sëmurë që promovon Qeveria e Ana Brnabicit.
Shpresoj që Evropa sot të kuptojë se me çfarë lloj njerëzish kemi të bëjmë, me ata që kanë mbështetur vrasjet masive dhe mohojnë krimet e luftës të kryera nga Beogradi në ish-Jugosllavi.
E them me përgjegjësi që sa të jem unë ministër i jashtëm i Republikës së Kosovës, nuk do të lejojë që Kryeministrja serbe të hyjë në Kosovë, për sa kohë që ajo të ndjek një ideologji raciste dhe të sëmurë kundër popullit të Kosovës dhe ndërmjet etnive që jetojnë këtu.
